Tainui

.

Mahere Haumitanga 2022/2023

Kia ūkaipō anō te reo i roto
i ngā kāinga me ngā hapori o te waka o Tainui

Ngā Aronga Haumitanga

  • Tuakiri – he rangahau, he hopu, he waihanga, he whakatairanga i a Tainui waka. He aro ki ngā rerekētanga o ngā mita ā-iwi, ā-hapū me ngā kōrero tuku iho.
  • Whakatairanga– he whakatairanga i te reo Māori me te whakawhānui i te māramatanga ki ngā take whakarauora kia kitea ai ngā nekenga waiaro.
  • Ako– he whakapakari ake i te reo kia matatau, i te māramatanga me te angitū mā roto i ngā kaupapa, ngā akomanga, ngā wānanga, me te waihanga rauemi.
  • Rumaki – kia rangona whānuitia te reo ki roto i ngā kāinga, ngā marae me ngā hapori.
  • Kaihāpai i te Reo – kia tipu, kia tautokotia ngā mātanga, ngā kaikōkiri i te reo, ngā kaiarataki me ngā kaitaunaki ki te whakamahere me te arotake hoki i te ahunga roa mō te whakarauoratanga o te reo

Ngā whāinga e tūmanakotia ana

  • kia nui atu te whakamahinga o te reo o roto i ngā kāinga, ngā marae me ngā hapori;
  • kia pakari ake te whakamahinga o te reo ki ngā wāhi ōkawa;
  • kia nui atu te whakamahinga o ngā reo ake o Tainui Waka, ngā kīanga, ngā kōrero tuku iho, ngā whakapapa, ngā waiata, ngā karakia, ngā tongikura me ngā pepeha;
  • kia nui atu te whakamahinga o ngā titonga hou o Tainui Waka, ngā kupu hou, kōrero hou hoki.

Pāwhiria a konei ki te tikiake i te mahere haumitanga hei PDF. [PDF, 291 KB]

Te Mātāuru ki Tainui.
Te Mātāuru ki Tainui

He kaupapa reo tāu e hāngai nei ki te mahere haumitanga a Tainui?

Tāpaetia tō tono haumitanga ki konei.