Te Poari Matua

Katoa ngā mema kei tō mātou Poari Matua he mātanga reo Māori, he kaihautū hoki ki roto i ō rātou ake rohe, me ō rātou ake mahi, ā, e remurere nei, e manawanui nei rātou ki te whakarauoratanga o te reo Māori.

Tekau mā toru ngā mema poari kua kopoua ki Te Mātāwai mō tētahi wāhanga toru tau te roa, ā, kāore e neke atu i te toru wāhanga. Tokowhitu o rātou i tohua mai e ngā kāhui ā-iwi, tokowhā o rātou nō Te Reo Tukutuku (he whakahaerenga reo Māori), ā, tokorua rāua kua kopoua e te Minita Whakawhanaketanga Māori. Ko tā te Poari Matua he mahi ngātahi i runga i tōna haepapa mō te ahunga rautaki o te rōpū whakahaere, me te whakatinana tonu i ngā whāinga whakahaere, te tauwhirotanga hoki o ngā mahi ngātahi i waenganui i te Poari Matua a Te Mātāwai me ngā Pae Motuhake.

Ngā Māngai mō ngā Kāhui ā-Iwi

Ngā Māngai mō Te Reo Tukutuku

Ngā Māngai mō te Mihita

Ngā Māngai mō ngā Kāhui ā-Iwi

Te Tai Tokerau

Waihoroi Shortland.

Aperahama Kerepeti-Edwards
Ngātiwai

Aperahama was appointed by Te Kahu o Taonui on behalf of the 16 iwi of the Te Tai Tokerau Iwi Cluster to strengthen current community-centred initiatives as well as using innovation and the traditions of Te Tai Tokerau to support language learning, fluency and excellence across Te Tai Tokerau all the way down to Ngāti Whātua ki Ōrākei in Tāmaki Makaurau. Aperahama is a fine exponent of the Māori language and has a track record in being part of many boards within Te Tai Tokerau, including the Ngātiwai Trust Board, to increase Te Reo being spoken, seen and used in the region, especially within whānau households and on marae taumata.

Declaration of Interests:
  • The Ngātiwai Trust Board
  • Te Whānau A Rangiwhakaahu Hapu trust
  • Te Putake o Te Riki Ki Te Taitokerau
  • Te Kahu o Taonui
  • Te Kotui Hauora
  • Ngāti Rehua Ngātiwai Ki Aotea Trust Board

Tainui

Charlie Tepana.

Charlie (Tīare) Tepana (Hoa-toihau)
Ngāpuhi, Ngāti Raukawa, Rangitāne, Te Uri o Hau, Ngāti Rangiwewehi, Ngāti Pākehā, Kōtimana

I kōwhiringia a Tiare e te kāhui o Tainui i te tau 2019, ā, ka kopoua rāua ko Reikura Kahi hei Hoa-toihau i te tau 2021. He whānui ōna wheako mō ngā mahi whakarauora i te reo Māori ki roto i ngā iwi me ngā hapori, ā, ko ia hoki tētahi o ngā kaiarataki mō te hanganga me te whakatinanatanga o te Mahere Rautaki Whakarauora Reo mō te iwi o Ngāti Raukawa e kīia nei, ko 'Whakareia Te Kakara o te Hinu Raukawa'. He mema a Tiare o te Rōpū Tohutohu a te Minita mō Te Reo Māori i te tau 2014 ki te arotake me te tuku tautohunga mō Te Ture mō Te Reo Māori 1987, ā, ka whakakapia tēnei ture e Te Ture mō te Reo Māori 2016. I mua i tōna hono mai ki te Poari Matua a Te Mātāwai, i noho ia hei mema o te Poari Matua a Te Taura Whiri i te Reo Māori.

Declaration of Interests:
  • Te Raukawa Charitable Trust (Te Poari Manaaki o Raukawa)
  • TePana LTD

Mātaatua

Dr Te Kahautu Maxwell.

Dr Te Kahautu Maxwell
Te Whakatōhea, Ngāti Awa, Ngāi Tai, Te Whānau-a-Apanui, Ngāti Porou, Ngāti Maniapoto, Tūhoe

I tēnei wā, he Ahorangi Tuarua a Te Kahautu mō Te Pua Wānanga ki te Ao, ki Te Whare Wānanga o Waikato. He mātanga mō te reo me ngā tikanga Māori, ā, he hau tipua i roto i ngā mahi Kapa Haka. Ko ia te kaiako me te kaitito mō te Kapa Haka o Opōtiki Mai Tawhiti, ā, ko ia hoki te māngai mō Mātaatua ki Te Matatini. He mema a Te Kahautu ki Te Poari Tarahiti o Te Whakatōhea, he tohunga hoki nō Te Hāhi Ringatū. He mema tawhito ia ki Te Pae Motuhake o Mātaatua, ā, he mema tawhito ki Te Waka Toi, arā, ko te Poari Matua mō ngā mahi toi Māori ki Toi Aotearoa.

Declaration of Interests:
  • Whakatōhea Māori Trust Board
  • Tohekura
  • Ōpōtiki Mai Tawhiti Kapa
  • Mātaatua Kapa Haka Incorporated
  • Waikato University
  • Terere Marae
  • Te Maara Consultants Limited 
  • Te Pae Motuhake o Mātaatua
  • Te Kotahi Mahuta Research Institute
  • Te Haahi Ringatu o Te Whakatōhea
  • Whakatōhea Fisheries
  • Te Wainui Marae
  • Te Matatini
  • Te Pou Oranga o Te Whakatōhea
  • Te Whakatōhea Health and Social Services
  • Te Ahumairangi Incorporated Rangitu Online

Te Arawa

Muriwai Ihākara.

Muriwai Ihākara
Te Arawa, Ngāti Kurī, Ngāti Porou

I kōwhiringia a Muriwai e Te Arawa Waka i te tau 2019. He kaitaunaki mō te reo me ngā tikanga Māori; he pouako, he pou-whiriwhiri i roto i ngā whakataetae ā-rohe, ā-motu hoki mō ngā mahi Kapa Haka. Tekau mā whā ngā i noho ai a Muriwai i roto i ngā mahi hautū matua, arā, ko ōna mahi hei Tumu Whakarae Māori tērā, mai i te tau 2002 ki te tau 2016. E taunga ana hoki  mā roto i ana mahi hautū i ngā Poari Matua; i noho hei Toihau mō Te Kura o Rotoiti, hei Toihau mō He Kupenga Toi Manawa, hei mema ki te Poari Matua o Te Matatini, ā, mā roto mai hoki i ana mahi hei Toihau mō Te Awhe Marae ki roto o Maketū, hei Heamana mō Te Ahurei o Ngāti Pikiao, hei Toihau hoki mō Ngā Pūkenga Kōeke o Ngāti Pikiao.

Declaration of Interests:
  • Ngāti Mākino Authority
  • Te Awhe Marae
  • Te Waiti Marae
  • Ngāti Pikiao Council of Elders
  • Ngāti Pikiao Ahurei

Te Tai Rāwhiti

Matai Smith.

Mātai Smith
Rongowhakaata, Ngāi Tāmanuhiri, Ngāti Kahungunu ki te Wairoa

I mua i tōna ekenga ki te Poari Matua i te tau 2019, i noho a Mātai hei mema ki Te Pae Motuhake o Te Tairāwhiti. He whānui ōna wheako ki roto i ngā mahi pāpāho, he tino toa hoki i ngā mahi kaiwhakataki kōrero, kaitaki kiriata, ā, kua neke atu i te rua tekau tau ia e mahi ana i runga pouaka whakaata. He ika ā-whiro a Mātai nō te rangapū tuatahi o Te Panekiretanga o Te Reo Māori, he ngākau manawareka hoki ki ngā mahi whakarauora i te reo Māori. Ko ia te Kaiwhakahaere Teihana mō te reo irirangi ā-iwi, a Tūranga FM e whakapau kaha tonu nei ki te whakahaumanu ake anō i te reo Māori ki roto o Tūranga nui a Kiwa, me te Tai Rāwhiti whānui. Nā Mātai te orokohanga mai, me te whanaketanga o te rautaki reo o Rongowhaakata me Ngāi Tāmanuhiri i ārahi. I ēnei rā, ka noho ia hei mema Poari ki tētahi tarahiti ā-whānau, mō Te Tira Whakaari, ā, ko ia hoki te Toihau Tuarua mō Te Whakaruruhau o Ngā Reo Irirangi Māori.

Declaration of Interests:
  • Metgon Mauri
  • Larf Productions
  • Tūranga FM
  • Te Tira Whakaari
  • Ngā Iwi o Te Kooti Arikirangi
  • Te Whakaruruhau o ngā Reo Irirangi
  • Māori Rongowhakaata Iwi Trust
  • Tūtu Poroporo (Ngāi Tāmanuhiri) Trust

Te Tai Hau-ā-uru

Karepa Wall.

Karepa Wall

Taranaki, Manukorihi, Ngāti Ruanui, Te Āti Awa, Ngāti Tūwharetoa

I ēnei rā, ko Karepa te Tumu Rautaki Whai Pānga mō Te Kaunihera o Pōneke, ā, he kaiwhakahaere matua ia mō Te Kāhui Tūroa, he rōpū whakarato i ētahi ratonga ahurea e whai mana ai te mana whenua, huri noa i te rohe o Te Whanganui a Tara. He pūkenga ōna i roto i te ao mātauranga, ao kāwanatanga hoki, e remurere nei a Karepa ki te whiri ake i te mātauranga Māori ki ngā āhuatanga o tēnei ao nei. He ngākau titikaha e puta ake ai ngā hua nui ki tōna iwi, me ngā whakareanga e haere mai ana. Ko Karepa te Toihau mō te Komiti Tātari Tūraru.

Declaration of Interests:
  • Te Kāhui Tūroa
  • Te Kōhanga Reo o Ngā Mokopuna
  • Ngā Pakiaka
  • Te Āti Awa, Ngāti Ruanui, Taranaki, Ngāti Tūwharetoa
  • Wellington City Council
  • Te Rūnanga o Te Āti Awa

Te Waipounamu

Paulette Tamati-Elliffe.

Paulette Tamati-Elliffe
Kāi Tahu, Te Āti Awa, Ngāti Mutunga

I whai wāhi ake a Paulette Tamati-Elliffe ki te rautaki reo Māori o Ngāi Tahu e kīia nei, ko ‘Kotahi Mano Kaika,’ i te wā i hono ai ia me tōna whānau ki te kaupapa i tōna mānutanga ake i te tau 2000. Kua whāia e Paulette rāua ko tōna hoa Rangatira, a Komene, i tō rāua huarahi ki te reo Māori, ā, he mea rumaki mai ā rāua tamariki ki te reo Māori hei reo matua mō rātou ki tō rātou kāinga ki Otepoti. He ika ā-whiro a Paulette nō Te Panekiretanga o Te Reo Māori, ā, he wheako nui ōna ki roto i ngā mahi whakataki, mahi mahere, mahi mātauranga, mahi whakaako, mahi whakaari waiata, tito waiata hoki. I eke mai ia ki tōna nohoanga tuatahi hei mema Poari mō Te Mātāwai i te tau 2017, ā, i kopoua anō mō tōna nohoanga tuarua.

Declaration of Interests:
  • Araiteuru Marae
  • New Zealand Geographic Board
  • Otago Museum
  • Te Nohoaka o Tukiauau/Sinclair Wetlands Trust
  • Te Rūnaka o Ōtākou Ltd
  • Te Rūnanga o Ōtākou Inc
  • Te Rūnanga o Ngāi Tahu
  • Tēnei Te Ruru Ltd

Ngā Māngai mō Te Reo Tukutuku

Te Reo Tukutuku board members represent the interests of four clusters of Māori language organisations:

 Te Mātauranga Pāpāho Hapori Te Hunga Noho Tāone
  • Te Kōhanga Reo National Trust
  • Te Rūnanga Nui o Ngā Kura Kaupapa Māori o Aotearoa
  • Ngā Ringa Raupā o ngā Kura-ā-Iwi
  • Te Tauihu o Ngā Wānanga
  • Te Whakaruruhau o ngā Reo Irirangi Māori o Aotearoa
  • Ngā Aho Whakaari
  • Te Rūnanga o Te Ātaarangi Trust
  • Māori Women’s Welfare League Incorporated
  • New Zealand Māori Council
  • National Urban Māori Authority

Te Mātauranga

Brenda Soutar.

Brenda Soutar
Ngāti Awa, Ngāti Porou, Ngāi Tai ki Tāmaki

Brenda was appointed to the Board in 2021. She is actively involved in Māori language revitalisation and regeneration with over 30 years’ experience in education across kōhanga reo, kura kaupapa Māori and whare wānanga. Her work includes the application of international theories and practises of language acquisition and revitalisation within Māori language immersion contexts. Before taking up her current role as curriculum advisor for Te Rūnanga Nui o ngā Kura Kaupapa Māori o Aotearoa, Brenda was principal of Te Kura Kaupapa Māori o Mana Tamariki.  She brings first-hand experience to the vision that "te reo Māori is restored as a nurturing first language" having raised her own children speaking only Māori to them at home while they were educated entirely in te reo Māori from kōhanga reo through to wharekura.

Declaration of Interests:
  • Te Rūnanganui o Ngā Kura Kaupapa Māori o Aotearoa
  • Mana Tamariki Incorporated
  • Tautāwhi Limited
  • Penu (Rongo-i-te-Kau) Marae
  • Koniahi Limited
  • Te Pā Harakeke Inc.

Pāpāho

.

Kylie Brown
Ngāi Takoto, Te Aupōuri, Ngāti Porou

I kopoua a Kylie hei māngai mō te ao pāpāho i te tau 2018. He whānui ōna wheako ki roto i ngā reo irirangi Māori, ngā māhi kaitaki me ngā mahi whakapānga hoki ki Whakaata Māori. Ka noho ia ki te Poari Matua o Te Hiku Media, he kaiārahi reo Māori mō te Poari o Toitū Te Whenua, he etitā mō He Pātaka Kupu, ā, ko ia hoki te Tumuaki Reo tuatahi ki Te Taura Whiri i te Reo Māori.

Declaration of Interests:
  • Ministry for the Environment - Office of Hon Kiritapu Allen
  • New Zealand Geographic Board
  • Te Poari Mihingare o Pōneke Pariha
  • Te Reo Irirangi o Te Hiku o te Ika

Hapori

Dr Teina Boasa-Dean.

Dr Teina Boasa-Dean
Ngāi Tūhoe, Ngāti Kahungunu, Ngāti Raukawa, Ngāti Tūwharetoa

TI kopoua a Teina ki te Poari Matua i te tau 2018. Ko ia te Kaiwhakahaere Matua mō BHW Lands Trust, me te Kaiwhakahaere Mātauranga mō Te Tarahiti Whakawhanaketanga ā-Iwi o Pāhauwera. E remurere nei a Teina ki te taiao, ā, kua tuku kauhau, tuku uiui hoki ia mō ngā akoranga me ngā mātāpono o te ao Māori e tuwhera nei ki te ao whānui hei kaupare atu i ngā whakapātaritanga o te taiao huri noa i te ao. I ēnei rā, ko Teina te Toihau mō tō mātou Komiti Rangahau, ā, he mema hoki ia i te Komiti Tautapa.

Declaration of Interests:
  • Bryce-Hare Whānau Trust
  • Tūhoe Te Uru Taumatua
  • Te Whare Wānanga o Awanuiarangi
  • Te Ataarangi ki Waikato-Maniapoto
  • Ruātoki Tribal Executive Kōmiti
  • Tūhoe Kaumātua Forum - Te Punga
  • AgResearch Innovation Centre: Food and Plant, Meat Department, Ruakura, Hamilton

Te Hunga Noho Tāone

Bernie O'Donnell.

Bernie O’Donnell
Te Āti Awa, Ngāti Mutunga, Ngāi Tahu

Kua noho a Bernie hei mema mō Te Pae Motuhake o Te Reo Tukutuku mai i tōna tīmatanga, ā, i kopoua ki te Poari Matua i te tau 2021. I ēnei rā, ko ia te Pou Whakahaere o Waatea, inā no ate whānuitanga o ōna wheako ki ngā mahi pāpāho i ngā reo irirangi Māori. Ko Bernie te Toihau mō Te Manatū Māori mō Te Hunga Noho tāone ki Manukau (MUMA), me Te Toka Tūmai. Ka noho ia hei kaihautū ki ngā Poari Matua huhua noa; ko Te Ūmanga Kōmihana mō Whānau Ora tērā, ko Te UMA Broadcasting Limited tērā, ko Te Manatū Māori ā-Motu mō Te Hunga Noho Tāone (NUMA) hoki tērā.

Declaration of Interests:
  • New Zealand Māori Golf Association
  • Auckland District Health Board
  • Manukau Urban Māori Authority
  • UMA Broadcasting Limited
  • National Urban Māori Authority
  • Whānau Ora Commissioning Agency
  • Te Whakaruruhau o Ngā Reo Irirangi Māori
  • Māori Media Network Advertising Agency
  • Te Kura o Waatea B.O.T
  • Ngā Whare Waatea Marae
  • Moko Koko Ltd
  • MUMA Whānau Ora Services
  • Te Whānau o Waipareira
  • Manukau URBA Māori Authority 
  • Manurewa Marae

 

Ngā Māngai mō te Minita

 

Reikura Kahi.

Reikura Kahi (Hoa-toihau)
Waikato, Ngāti Hine, Ngāti Porou, Te Whānau-a-Apanui, Kuki Airini

I kōwhiringia a Reikura hei mema ki te Poari Matua i te tau 2019, ā, nō te 2021 kopoua ai rāua ko Tiare Tepana hei Hoa-toihau. Nō te reanga tuatahi a Reikura i puta ai te ihu i te Kōhanga Reo, ki te Kura Kaupapa me te Wharekura. Ka kawea mai e ia te ngākau ohinga, i tua atu i ana wheako hautūtanga. Ko ia te Toihau o mua mō Ngā Tūmanako Incorporated Society, ā, inā te huhua o ngā tūranga i kawe ai ia mō Te Puna Reo o Manawanui, me te Tarahiti o Manawanui. Hei Kaiārahi a Reikura mō te reo Māori, he ika ā-whiro hoki ia nō Te Panekiretanga o Te Reo Māori. Ko ētahi o ōna tūranga o mua, he Kaikōmihana Hōtaka mō Whakaata Māori, he kaiarotake mō Te Māngai Pāho, he Pou Whakahaere Kamupene hoki mō Te Rōpū Te Wheke.

Declaration of Interests:
  • Te Puna Reo o Manawanui
  • Wheke Group
  • Jawbone Pictures
  • Te Kura Kaupapa Māori o Hoani Waititi
  • Tearepa Kahi
  • Ngā Tūmanako Inc
  • Tāmaki Kapa Haka Committee

Wenarata Kingi (Māngai mō te Minita)

Ngāi Tūhoe, Te Arawa