Ngā Pae Motuhake
Ka tūhono ngā Pae Motuhake e waru i ngā rautaki me ngā ngohe a Te Mātāwai ki ngā hiahia a ngā kāinga, a ngā hapori, me ngā iwi kei ō rātou Kāhui.
E waru ngā Pae Motuhake hei whakakanohi i ngā iwi: e whitu ngā Kāhui ā-iwi, me Te Reo Tukutuku; me tētahi kohinga whakahaeretanga e hāngai ana ki ngā rāngai. Kāore i neke atu i te iwa te nui o ngā mema kei ia Pae Motuhake, tae atu ki te Toihau, ka noho hei māngai ki Te Poari Matua.
Ko te mahi a te Toihau he tuku i ngā taipitopito ki tōna Pae Motuhake kia pai ai tā rātou kawe i ā rātou whakaritenga i runga i te māramatanga. Ko tā ngā Pae Motuhake he tūhono i ngā rautaki ki ngā ngohe a Te Mātāwai me ngā hiahia a ngā Kāhui.
Ngā mahi a Te Pae Motuhake
|
Whakarato hautūtanga mō te reo Māori ki ngā rohe |
Whakatau i ngā hiahia mō te whakarauora i te reo Māori | Whakamahi i ngā rangahau hei ārahitanga mō ngā whakataunga |
He tuku kōrero, he poapoa i te Poari Matua a Te Mātāwai |
Waihanga i ngā mahere haumitanga ā-tau | Tautohu i te hunga mō ngā tukunga haumitanga tautoko |
Anei ētahi atu kōrero mō te Pae Motuhake kei tō Kāhui?
Tūtaki mai ki te Pae Motuhake, ka pānui i te mahere haumitanga mō tō Kāhui.