Tō Mātou Tīma
Te Mātāwai has a team of experienced staff who are passionate about the revitalisation of the Māori language and committed to support the achievement of the strategic direction set by the Board.
Tumu Whakarae
Poia Rewi
Ngāti Manawa, Tūhoe, Te Arawa, Ngāti Whare, Tūwharetoa
E rongonui ana a Poia mō ōna mahi whakarauora i te reo Māori, ōna mahi whaikōrero, me te rangahau. Ko ōna rangahau, ōna kaupapa whakaako matua, me ōna mahi nui ki ngā hapori ko te reo Māori, ko te ahurea, ko te mātauranga, ko ngā mahi a rēhia hoki ka whakatauira mai i te hōhonutanga o tōna matatau ki te kawe i tēnei tūranga. Ko ia te Kairangahau Matua mō te kaupapa o Ngā Pae o te Māramatanga, arā, ko Pae Tawhiti, he kaupapa mō te reo Māori me ngā tikanga, he tirohanga ki te whakaūnga mai o te reo Māori, o te ahurea Māori, otirā, ki te whakakotahi hoki i ngā kohinga rangahau e hāngai ana ki ēnei kaupapa. Nō te marama o Pipiri 2020 ka hono mai a Poia hei Tumu Whakarae mō Te Mātāwai.
Kaitohutohu Matua
Ria Tomoana
Ngāti Kahungunu, Ngāti Pāhauwera, Te Āti Awa ki te Upoko o te Ika
Nō te Mei 2019 hono mai ai a Ria ki Te Mātāwai. He Tohu Paerua Āhua Reo tōna, nō Te Herenga Waka ki Pōneke, ā, he wheako nui ōna i roto i ngā mahi rangahau, mahi whakarauora i te reo Māori. Kua tū ia hei kaiārahi ratonga, hei kaiwhakahaere matua hoki ki Te Tarahiti o Te Paepae Arahi, Te Taura Whiri i te Reo Māori, Whitireia, me Te Puni Kōkiri.
ria.tomoana@tematawai.maori.nz
Kaiwhakahaere Haumitanga
Nate Brabender
He uri nō Ngāti Porou, nō Ngāti Kahungunu, nō Ngāti Ruapani hoki.
He tangata ūpoko pakaru a Nate. Ko ngā mātāpono o te manaakitanga me te tauutuutu ōna kaha.
Nā tōna kuia, kaumātua ia i poipoi, i whakatipu hoki. Nā, ka eke ki tōna taiohitanga ka tuku mā tōna māmā ia e whakatipu, takitahi nei. Nō tōna tamarikitanga ia i āta mātakitaki, i ako hoki ki ngā āhuatanga o te manawanui me te tauutuutu hoki.
“He kai kei aku ringa” – Ko te waiaro tēnei a Nate. Ahakoa kei te tūranga Kaiwhakahaere Haumitanga ia i tēnei wā, he kōingo nui hoki tōna ki te hāpai i te tangata ahakoa te aha.
He pukenga ōna ki ngā mahi whakahaere me te whakawhanake tīma. Hei tāpiri atu ko ōna tohu mātauranga kei roto i ngā mahi Haumitanga Toitū ki Harvard Business School. Arā noa atu ōna pukenga hei whakaniko i tōna tūranga mahi, ka mutu hei whakaniko i ōna mahi mō Te Mātāwai. Ko tētahi o ngā kaupapa nui whakaharahara kua riwha i a Nate he whakangungu i ngā kaiarataki, i ngā kaiurungi o tēnei ao kikokiko ki ngā pukenga hautūtanga mā te whakatinatina i te rautaki whakawhanake tīma. Kia tipu ai te nui o ngā tāngata kei tētahi tīma Whakahaere Tūhake mai i te 230 ki te 750 ngā tāngata. Nā wai rā ka whakapiki i te raukaha, i te māpua hoki mā te $2 miriona ia tau.
I piri atu a Nate ki Te Mātāwai i te tau 2020. I noho ki tētahi kirimana i raro i te marumaru o Te Amokura Consultants. Kāore e roa ka rongo a Nate i te ngākau nui ki te tāhūhū o Te Mātāwai mā roto i te reka o ngā kaupapa whakarauora reo a ngā kāinga, ngā hapori Māori me ngā iwi e hāpai ana e Te Mātāwai.
Mea rawa ake, ka pūmau te noho a Nate ki Te Mātāwai ki te whakapakari i te hōtoka haumitanga, ka tahi. Ka rua, he whakawhanake i te tīma o Te Mātāuru me a rātou pukenga. Mā ōna pukenga whakahaere me te whakawhanake tīma e whakatutuki ai i tēnei kawenga. He pūmanawa tō Nate mō te whakarauoratanga o tōna reo me te reo o tōna whānau. Nā, e kaha whakatinanana ana i tōna mahere reo e taea ai e rāua ko tana ipo, ā tōna wā, ki te whakatipu i ā rāua tamariki ki roto i te reo Māori hei pupuru i te ahurea Māori.
“Anei tātou nā ko te pō: anā tātou nā he rā ki tua” – here affliction grips us, yonder is relief. Kei konei tātou e whirikōkā tonu nei, ā, haere ake nei. Ahakoa he wā rukiruki tēnei, e manako nui ana ahau e ūkaipō haere ana tō tātou reo. Mā ngā whānau, mā ngā hapori Māori me ngā iwi hoki tō tātou reo e kawe ki te karamatamata o te rākau taumatua. Mā tātou anō te reo e whakatō ki ōna whenua haumako”.
neihana.brabender@tematawai.maori.nz
Kaiwhakahaere Rangatōpū
Brylee Haapu
Ngāti Kahungunu, Ngāti Te Whatuiāpiti, Tainui
Brylee joined Te Mātāwai in March 2021. She brings with her a broad range of accounting, audit, risk and process improvement expertise.
Prior to joining Te Mātāwai, Brylee held a senior position at KPMG providing business advice to private enterprises as well as working with public sector clients providing internal audit, risk and compliance services.
Brylee is a Chartered Accountant and has been a member of the Chartered Accountants Australia and New Zealand for over ten years. Her qualifications include a Bachelor of Commerce (Accounting), a Post Graduate Diploma in Accounting and a Diploma in Te Aupikitanga ki te reo Kairangi.
Brylee is passionate about te reo Māori and began learning as an adult. Her and her husband are committed to raising their tamariki with te reo Māori as their first language.
brylee.haapu@tematawai.maori.nz