English

Tautitotito

Oropaki – Kia tika ngā tohutō Copy

I hangaia e Te Reo Irirangi o Tainui i runga i te tautoko a Te Mātāwai tētahi raupapa ataata tuihono e 2 mineti te roa e kīia ana ko Oropaki, hei whakaoho i te iwi ki te whakahua tika i te reo Māori. Hei tā te kaiwhakahaere o te teihana, a Trina Koroheke, “Ko te hunga e reo tuarua ana te reo ki a rātou te aronga o te hōtaka nei, i hiahia hoki mātou ki te whakaoho i a rātou ki ngā take e pā ana ki te reo, me te whakapakari i ō rātou reo mā te whakamiramira i te rerekē anō o te whakamārama me te tikanga o te kupu ina paku rerekē anō te whakahua i te kupu. I hiahia mātou kia tino whai tikanga tā mātou i mahi ai, me tō mātou mōhio e whakapāpā tahi ana te iwi ā-tuihono, nō reira i whai mātou kia ngahau, kia pārekareka, kia taea hoki te toro ngā momo paepāho pāpori katoa." Tekau mā rima ngā puni o te raupapa i mahia mai e Te Reo Irirangi o Tainui, nō reira mehemea kāore anō koe kia kite, me toro a www.radiotainui.co.nz/oropaki/, he āwhina kei tēnā me tēnā puni e tika ai te hoatu i te tohutō ki te oropuare tika, e whakamiramirahia ai hoki te tino hē ka pā i te hē o te whakahua. Hei tā Te Wairere Ngaia, tētahi o ngā mema o Ngā Paemanu o Tainui, “I tino pai ki a au te raupapa nei i te mea e takahi ana tātou katoa i te ara o te reo, ka mutu i taku mātakitanga i ngā ataata nei, ka kata au me te whakaaro anō, ko au tonu tētahi e rite tonu ana te whakaputa i ērā momo hapa. He rauemi tuihono tino pai tēnei mā ngā whānau o Tainui waka, me taku whakamihi anō i te katoa i whai wāhi atu, tae atu ki ā tātou rangatahi."

Oropaki – Kia tika ngā tohutō

I hangaia e Te Reo Irirangi o Tainui i runga i te tautoko a Te Mātāwai tētahi raupapa ataata tuihono e 2 mineti te roa e kīia ana ko Oropaki, hei whakaoho i te iwi ki te whakahua tika i te reo Māori. Hei tā te kaiwhakahaere o te teihana, a Trina Koroheke, “Ko te hunga e reo tuarua ana te reo ki a rātou te aronga o te hōtaka nei, i hiahia hoki mātou ki te whakaoho i a rātou ki ngā take e pā ana ki te reo, me te whakapakari i ō rātou reo mā te whakamiramira i te rerekē anō o te whakamārama me te tikanga o te kupu ina paku rerekē anō te whakahua i te kupu. I hiahia mātou kia tino whai tikanga tā mātou i mahi ai, me tō mātou mōhio e whakapāpā tahi ana te iwi ā-tuihono, nō reira i whai mātou kia ngahau, kia pārekareka, kia taea hoki te toro ngā momo paepāho pāpori katoa." Tekau mā rima ngā puni o te raupapa i mahia mai e Te Reo Irirangi o Tainui, nō reira mehemea kāore anō koe kia kite, me toro a www.radiotainui.co.nz/oropaki/, he āwhina kei tēnā me tēnā puni e tika ai te hoatu i te tohutō ki te oropuare tika, e whakamiramirahia ai hoki te tino hē ka pā i te hē o te whakahua. Hei tā Te Wairere Ngaia, tētahi o ngā mema o Ngā Paemanu o Tainui, “I tino pai ki a au te raupapa nei i te mea e takahi ana tātou katoa i te ara o te reo, ka mutu i taku mātakitanga i ngā ataata nei, ka kata au me te whakaaro anō, ko au tonu tētahi e rite tonu ana te whakaputa i ērā momo hapa. He rauemi tuihono tino pai tēnei mā ngā whānau o Tainui waka, me taku whakamihi anō i te katoa i whai wāhi atu, tae atu ki ā tātou rangatahi."