Mō Mātou

“Kia ūkaipō anō te reo”

Koia nei te wawata o te rautaki reo Māori hou e kīia nei ko te Maihi Māori.
I whanaketia te rautaki e te iwi mā te iwi, mā te Māori me ngā hapori reo Māori.


I te tōmuatanga o te tau 2017 ka hui atu a Te Mātāwai ki te hunga whai pānga ki te reo Māori o te motu
ki te kimi i ō rātou whakaaro mō ngā kaupapa reo Māori i ngā kāinga me ngā hapori,
ō rātou wawata mō te reo Māori me te wāhi ki Te Mātāwai e whakatinanahia ai ngā wawata nei.


Nā runga i ngā kōrero i tāpaea mai e te iwi ka whanaketia te Rautaki Maihi Māori 2017-2040.

Maihi MāoriĒtahi atu Kōrero

Te Mātāwai

I whakatūria a te Mātāwai i raro i Te Ture mō Te Reo Māori 2016 ki te ārahi i ngā mahi whakarauora i te reo Māori mā ngā iwi me ngāi Māori. I whakamanahia te Ture i te Whare Pāremata i te 14 o Paengawhāwhā 2016, ka mutu i tuhia ki te reo Māori me te reo Ingarihi. Heoi, e mana ana ko te tuhinga Māori, koia anō te whakahounga o Te Ture Reo Māori 1987.

Ngā Mātāpono o Te Mātāwai 

He reo tuku iho te reo taketake o Aotearoa


Ko ngā iwi me ngāi Māori ngā purutanga mauri o ‘Te Whare o Te Reo Mauri Ora’


Poua, whakatipuria, tāwharautia te reo ūkaipō i roto i ngā hapori


Kia raka te mauī, kia raka te katau


Kia ū ki te wairua Māori

Maihi Māori

Ētahi atu Kōrero

Mō Te Mātāwai

13 ngā mema o te Poari o Te Mātāwai. Tokowhitu ka kopoua e ngā Kāhui ā-Iwi, tokowhā ka kopoua e te Reo Tukutuku (ngā whakahaere whai pānga ki te reo Māori) me tētahi tokorua ka kopoua e te
Minita Whanaketanga Māori.

Ētahi atu Kōrero

Ngā Māngai mō ngā Iwi

TE TAI TOKERAU

Waihoroi Shortland

(Ngāti Hine and Te Aupouri)

Neke atu i te 30 tau a Waihoroi Shortland e mahi ana ki te reo Māori i te ao pāpāho, i te ao kiriata me te whare tapere. Kua mahi anō ia i te whānuitanga atu o Te Tai Tokerau i te rāngai tūmatanui, tūmataiti
hoki, mai i te Kōti Whenua Māori ki te mahi hei Āpiha Hapori Māori i Tāmakimakaurau, i Pukekohe me Kaitāia. I noho a Waihoroi hei Kaiwhiri mō Te
Taura Whiri i te Reo Māori i mua, hei mema anō mō te Poari o Te Aratuku Whakaata Irirangi Māori. I tīmata ia hei mema mō te Poari o Te Mātāwai i te 8 o Hereturikōkā 2016 mō te toru tau. Ko ia tētahi o ngā Hoa-Toihau o te Poari.

TAINUI

Pānia Papa

(Ngāti Korokī-Kahukura, Ngāti Mahuta)

Ko Pānia Papa tētahi o ngā mema o te paepae motuhake o te tau 2011 nā rātou nei i arotake te Rautaki Reo Māori a te Karauna, ko ia anō tētahi o te Rōpū Whakaū i te Kounga o te Reo Māori mō te whakamāoritanga o Te Ture Reo Māori 2016. Ko Pānia tētahi mema o te Rōpū Whakamāherehere a
Waikato-Tainui e mahi nei ki te whakatinana i te rautaki reo a ngā iwi o Waikato-Tainui. Kua noho mai anō ia ki ētahi atu rōpū whakamāherehere ā-iwi ki te arotake i ā rātou rautaki reo. I tīmata a Pānia hei mema mō te Poari o Te Mātāwai i te 22 o Hōngongoi 2016 mō te toru tau.

Mātaatua

Bentham Ohia

(Ngāi Te Rangi, Ngāti Pūkenga, Ngāti Ranginui, Ngāti Te Roro o Te Rangi, Te Āti Awa, Ngāti Rārua and Ngai Tahu)

Ko Bentham Ohia te Tumu Whakarae o Te Wānanga o Aotearoa i mua, ka mutu i a ia i reira ko ia tētahi i whakawhanake i ētahi hōtaka mō te reo Māori me ōna tikanga. Ko Bentham te perēhitini o te whakahaere hautū e kīia nei ko te Advancement of Māori Opportunity, ka mutu e atawhai tonu ana, e tautoko tonu ana ia i te hunga i puta i te kaupapa e noho mai ana ki ngā tūranga hautū. He Kaitiaki anō ia mō te Ngā Pōtiki Trust i Papamoa, Tauranga. I tīmata a Bentham hei mema mō te Poari o Te Mātāwai i te 17 o Pipiri 2016 mō te toru tau.

TE ARAWA

Dr Cathy Dewes

(Ngāti Rangitihi, Te Arawa, Ngāti Porou)

Ko Tākuta Cathy Dewes te Tumuaki o Te Kura Kaupapa Māori o Ruamata i Rotorua, me te whānui o āna mahi mō te reo Māori i te ao mātauranga i roto o Te Arawa, i te motu anō hoki, inā rā, ko ia te Tumuaki o Te
Rūnanganui o Ngā Kura Kaupapa Māori. He maha ngā tūranga kua nohoia e Cathy i roto o Te Arawa me tana iwi o Ngāti Rangitihi. Ko ia tētahi o te mana whakahaere o Te Aratuku Whakaata Irirangi Māori i mua, i tēnei wā ko ia te manukura o Te Reo Irirangi o Te Arawa. I tīmata a Cathy hei mema mō te Poari o Te
Mātāwai i te 7 o Hōngongoi 2016 mō te toru tau.

Te Tai Rāwhiti

Jeremy Tātere MacLeod

(Ngāti Kahungunu, Te Arawa, Ngāti Raukawa te au ki te Tonga, Rangitāne, Ngāti Kuia, Ngāi Tahu, Te Āti Awa, Waikato)

Ko Jeremy Tātere MacLeod tētahi o ngā toa matua mō te whakarauora i te reo Māori i Ngāti Kahungunu, e mahi ana ia mā Ngāti Kahungunu Iwi Incorporated, kei a ia te kawenga ki te whakatinana i te Rautaki Whakarauora i te Reo Māori a Ngāti Kahungunu - Kahungunu, kia eke! I puta a Jeremy i 'Te Panekiretanga o te Reo' me te Whare Wānanga o Waikato. I tīmata a
Jeremy hei mema mō te Poari o Te Mātāwai i te 10 o Pipiri 2016 mō te toru tau.

TE TAI HAU-Ā-URU

Dr Ruakere Hond

(Taranaki, Ngāti Ruanui, Te Ātiawa, Te Whānau-a-Apanui)

He toa kohara nui, he tino kaitautoko a Tākuta Ruakere Hond mō te reo Māori. Kō ōna tūranga o mua ko te Kaikōtui Hōtaka mō Te Reo o Taranaki Trust, ko te noho hei Upoko mō te Tari Māori i Te Whare Wānanga o
Awanuiārangi, ko te noho hei Manukura mō Te Rūnanga o Te Ataarangi, me tana noho mai hei mema kaunihera i te Western Institute of Technology i Taranaki. E kakama ana a Ruakere i tēnei wā ki te whanake kaupapa i Parihaka. I tīmata a Ruakere hei mema mō te Poari o Te Mātāwai i te 4 o Hōngongoi 2016 mō te toru tau.

TE WAIPOUNAMU

Paulette Tamati-Elliffe

(Kāi Tahu, Te Ātiawa, Ngāti Mutunga)

Kua whai wāhi atu a Paulette Tamati-Eliffe ki te
rautaki reo Māori a Ngāi Tahu, ki te Kotahi Mano Kāika, mai i tana whakauru atu i tana whānau i tōna whakaterenga i te tau 2000. E whai tonu ana a Paulette rāua ko tana hoa rangatira, a Komene, i te ara o te reo Māori me te whakatipu i ā rāua tamariki ki te reo Māori, te reo tūturu o tō rāua kāinga i Ōtepoti. I puta a Paulette i 'Te Panekiretanga o Te Reo', ka kawea mai e ia ana pūkenga ki te whakahaere, ki te whakatakoto mahere, mō te mātauranga, te whakaako, te
waiata me te tito waiata. I tīmata ia hei mema mō te Poari o Te Mātāwai i te 1 o Hakihea 2017 mō te toru tau.

Te Reo Tukutuku Representatives

Te Mātauranga

Mereana Selby

(Ngāti Raukawa, Ngāti Huia, Ngāti Porou)

I tīmata mai a Mereana Selby hei pouako mō te reo Māori me te Akoranga Whakakori i te kura tuarua. Kātahi ia ka haere ki te Kāreti o te Mātauranga i Te Whanga-nui-a-Tara ki te whakangungu tāngata ki te mātauranga reo rua. Ka haere ia hei Kaihautū i Te Wānanga o Raukawa mō te kura whakarato i ngā hōtaka whakaako ki te reo Māori. I te tau 2007, ka kopoua a Mereana hei Tumuaki mō Te Wānanga o Raukawa, ko ia nei te Tumuaki wahine tuatahi ki tētahi Wānanga. Ko ia te Manukura o Te Tauihu o ngā Wānanga - te tōpūtanga o ngā wānanga e toru. I tīmata a Mereana hei mema mō te Poari o Te Mātāwai i te 28 o Pipiri 2016 mō e rua tau. Ko ia anō tētahi o ngā Hoa-Toihau.

Te Pāpāho

Scotty Morrison

(Ngāti Whakaue)

Kua roa a Scotty Morrison e noho ana hei kaikawe
kōrero mō ngā hōtaka e pā ana ki ngā rongo me ngā take Māori o te wā i Te Reo Tātaki o Aotearoa, arā, mō Te Karere me Marae. I tēnei wā e whai ana ia i tana Tohu Kairangi mō te Whakarauora i te Reo. Kua noho mai ia ki ngā tūranga kaiwhakamāherehere reo mō ētahi whakahaere maha tonu, i hoahoatia, i whakatinanahia anō e ia te rautaki whakarauora reo a Ngāti Whakaue. Ko ia te kaituhi o tētahi pukapuka a Raupo he pukapuka e tautokohia ana e te kōrero me te ataata i te pae tukutuku a MāoriLanguage.net. I tīmata a Scotty hei mema mō te Poari o Te Mātāwai i te 7 o Hōngongoi 2016 mō te rua tau.

Te Hapori

Dr Hiria Hape

(Tūhoe, Whakatōhea)

I tēnei wā he Pouwhakahaere a Tākuta Hiria Hape mō te Māori Relationships, he mema anō ia o te Tīma Kaiārahi Matua i Te Puni Kōkiri. I mua i tana noho mai ki tana tūranga i Te Puni Kōkiri, ko Hiria te Kaiwhakahaere Matua o te Māori Cultural Perspective Unit i te Tāhuhu o te Mātauranga. Mai i te tau 1999 ko ia te āpiha kaiwhakahaere o te Tūhoe Education Authority me te kaiwhakamāherehere ahurea mō Ngāti Tūmatauenga. I tutuki i a ia tana Tohu Paerua i te Whare Wānanga o Wikitōria i Te Whanga-nui-a-tara i te tau 1998, ko tana tuhinga roa 'Māori Learning Styles' te tuhinga roa tuatahi i tuhia katoatia ki te reo Māori i te Kura Mātauranga. I tīmata a Hiria hei mema mō te Poari o Te Mātāwai i te 15 o Hōngongoi 2016 mō te rua tau.

Te Hunga Noho Tāone

Hēmi Dale

(Te Rarawa, Te Aupōuri)

I tēnei wā ko Hēmi Dale te Kaihautū mō te Māori Medium Education i Te Pua Wānanga, te Kura Mātauranga Māori i te Whare Wānanga o
Tāmaki Makaurau. Kua whai Tiwhikete Kaiwhakamāori ā-tuhi, ā-waha ia, kua puta anō ia i 'Te Panekiretanga o Te Reo Māori'. Kua neke atu i te 25 tau a Hēmi e ārahi ana i te whanaketanga o te whakaakoranga reo Māori. E mahi ana a Hēmi ki te whanake i te whakaakoranga reo Māori o te NCEA taumata 1, 2, me te 3 me ngā paerewa paetae mō te pūtaiao pāpori, te mātai matawhenua, te ōhanga me te hītori.
I tīmata a Hēmi hei mema mō te Poari o Te Mātāwai i te 1 o Hōngongoi 2017 mō te toru tau.

Ministerial Representatives

Robin Hapi

(Ngāti Kahungunu, Rangitāne)

He tautōhito a Robin Hapi i ngā tūranga mana
whakahaere, kaiwhakahaere matua anō, mō ētahi whakahaere i te ao tūmatanui, tūmataiti, tae atu ki ngā whakahaere hapori. Ko ia te Tumu Whakarae o Aotearoa Fisheries Ltd mō te toru tau, te Tumu Whakarae anō mō te Treaty of Waitangi Fisheries Commission mō te 13 tau. I tēnei wā ko ia te Amokapua o te Kaunihera o Te Wānanga o Raukawa, kei te Poari anō ia o Callaghan Innovation me Te Pou Matakana, te North Island Commissioning Agency mō te Whānau Ora me te New Zealand Trade and Enterprise. II te 2016 ka tohua ia hei Companion of the New Zealand Order of Merit mō ana ratonga ki te Māori, te hapori me te taha mana whakahaere. I tīmata a Robin hei mema mō te Poari o Te Mātāwai i te 30 o Hereturikōkā 2016 mō te rua tau.

Our Former Board Members

Willie Jackson

(Ngāti Porou, Ngāti Maniapoto)

He toa a Willie Jackson mō ngā Māori noho taone, he tautōhito ia i te ao pāpāho, he reo kaha hoki tōna mō te reo Māori i a ia i te Poari o Te Mātāwai mō Te Reo Tukutuku, makere rawa ia i te Pipiri  2017.
Willie Jackson is a champion for urban Māori, he was an experienced broadcaster and was a very strong voice for te reo Māori during his time as an inaugural board member of Te Mātāwai representing Te Reo Tukutuku – Urban Cluster until he vacated the position in June 2017.

Nuki Tākao

(Te Ātiawa, Ngāti Rārua, Ngāti Tama, Ngāti Toa Rangatira, Ngāti Mutunga, Ngāi Tahu, Ngāi Tūhoe)

Kua roa a Nuki Tākao ki te ao o te Kura Kaupapa Māori me te rāngai mātauranga whakaakoranga reo Māori.  Kawea mai ana e ia te ngoi me tana kakama anō i a ia i te Poari o Te Mātāwai hei māngai mō te Kāhui ā-Iwi o Te Waipounamu, makere rawa ia i te Whiringa-ā-rangi 2017.
Nuki Tākao has strong roots in the Kura Kaupapa movement and in the Māori medium education sector. She brought a lot of energy and enthusiasm during her tenure as an inaugural board member of Te Mātāwai she represented the Te Waipounamu Kāhui ā-Iwi Cluster until she vacated the position in November 2017.

About Our Tumu Whakarae

Te Atarangi Whiu

(Ngāpuhi, Ngāti Ranginui and Ngāti Maniapoto)

I kopoua a Te Ataarangi Whiu hei Tumu Whakarae tuatahi mō Te Mātāwai i te Huitanguru 2017, nō te Poutūterangi 2017 i āta noho mai ai ki te tūranga. I kopoua ia e Te Mātāwai ki te ārahi i te whakatūnga o Te Mātāwai me tōna kawenga ki te ārahi i te whakarauoratanga o te reo Māori i te kāinga me te hapori.  He kaha te tautoko a Te Ataarangi i te reo Māori, me tana kawe mai hoki i ana pūkenga kōkiri kaupapa Māori, tana kaingākau ki te reo me tana mātau ki ngā whakahaerenga kāwantanga.
Te Atarangi Whiu was appointed as the inaugural Tumu Whakarae of Te Mātāwai in February 2017 taking up her role in March 2017.  The Te Mātāwai board appointed her to lead the establishment of Te Mātāwai which is charged with leading the revitalization effort of te reo Māori in homes and communities.  Ms Whiu is a strong te reo Māori advocate and brings to the role a strong background in kaupapa Māori initiatives, commitment to the language and understands the machinery of Government.

Investments

He tahua haumi whakataetae a Te Mātāuru e arotahi ana ki ngā kaupapa whakarauora i te reo Māori
i ngā kāinga me ngā hapori hei reo ūkaipō.

Te Mātāuru is a contestable investment fund that targets home and community-based Māori language revitalisation 
initiatives which contribute to revitalising te reo Māori as a nurturing first language.

E tautokohia ana a Te Mātāuru e te Rautaki Maihi Māori me ngā mahere haumitanga ā-tau a ngā Kāhui e Waru:
Te Mātāuru is supported by the Maihi Māori Strategy and the annual investment plans for each of the Eight Clusters

Te Tai TokerauTainuiTe ArawaMātaatuaTe Tai RāwhitiTe Tai Hau-ā-uruTe Waipounamu and Te Reo Tukutuku.

Tukuna te reo kia rere noa! 
Kua kati ināianei te rauna haumitanga tuarua mō te Kāhui ā-Iwi o Te Tai Rāwhiti.
The second Te Tai Rāwhiti investment round is now closed.

Te Arawa waka kia mau ki tō reo tuku iho!
E tuwhera ana te rauna haumitanga tuarua hoki mō te Kāhui ā-Iwi o Te Arawa,
ka kati ā te rā nui o te Raapa, te 31 o Whiringa-ā-nuku (Oketopa) 2018.
However, the second round of investments in Te Arawa is now also open,
the round will close at 12pm on Wednesday 31 October 2018.

Kei raro iho nei ko ngā mea me mōhio koe mō te rēhita, ā, ngā hiahia i mua i tō tāpae tono mai?
What you need to know for registration and to submit an application is outlined in the steps below.
Kaua hei wareware me hāngai tō tāpae tono ki te mahere haumitanga ā-tau o tō Kāhui.
Also please ensure that your application aligns with your clusters annual investment plan.

Step 1:  Registration



Register

Step 2:  Project/initiate


Applications to be completed

More Info

Step 3: Applications



Submit your completed online application form.

More Info

Step 4: Assessment



Applications are assessed by the Pae Motuhake

More Info

Step 5: Decisions



Applications are approved by the Te Mātāwai Board

More Info

Mahi 6 | Step 6: 


Ka tae atu he kōrero ki ngā kaitono katoa

All Applicants are notified

Te Mātāuru Investment Fund
Application Info

Te Mātāuru has two categories through which funding support may be accessed:

1. Kāhui ā-Iwi: a category based on iwi affiliation

Apply now

2. Kāhui ā-Reo Tukutuku: a sector specific category for Te Mātauranga, Te Pāpāho and Te Hapori projects and activities

Apply now
Te Mātātupu

Funding for te reo Māori Research

Coming soon
Te Matatū

Monitoring the revitalisation of te reo Māori

Coming soon

Our Clusters

Ka whakatūria e ngā kāhui e waru tāna ake Pae Motuhake, arā, he māngai, he kaiārahi mō te reo Māori nō roto mai i te rohe, i
te rāngai rānei. Ko tā ngā Pae Motuhake he tāpae i ō rātou pūkenga ārahi i tereo Māori mō te wāhi ki te hapori, ki te rohe me te whakatau anō i te whānuitanga atu o ngā kaupapa whakarauora i te reo Māori e hiahiatia ana. Mā te rangahau e ārahi ā rātou whakataunga me ā rātou whakamāherehere kounga, ā rātou whakahau ki te Poari o Te Mātāwai mō ngā kaupapa me ngā take matua ina ara ake.
Ka riro mā te mema o te Poari o Te Mātāwai e hautū tēnā me tēnā o ngā Pae Motuhake e whitu o ngā iwi. Ka whakatakotohia e ngā Pae Motuhake e waru he Mahere Haumi ā-Tau mā ā rātou kāhui e hāngai ana ki te Rautaki Maihi Māori. Mā rātou anō e whakatau ko wai ka tautokona ki te pūtea.
The eight Clusters will each establish a Cluster panel or Pae Motuhake made up of te reo Māori advocates from within each Cluster. Each Pae Motuhake provides positive leadership of te reo Māori at a local and regional level along with determining the range of te reo Māori language revitalisation needs. They’ll use research to inform decisions and provide quality advice and recommendations to the Te Mātāwai Board. 
The seven iwi Pae Motuhake will be chaired by their Te Mātāwai Board member.
All eight Pae Motuhake will develop Annual Investment Plans for their clusters that aligns with the Maihi Māori Strategy. 

Te Tai Tokerau

  • Te Aupōuri
  • Ngāti Kahu
  • Ngāti Kuri
  • Ngāpuhi
  • Ngāpuhi ki Whaingaroa-Ngāti Kahu ki Whaingaroa
  • Te Rarawa
  • Ngāi Takoto
  • Ngāti Wai
  • Ngāti Whātua
  • Te Kawerau ā Maki
  • Te Uri-o-Hau
  • Ngāti Rehua (Great Barrier Island)
  • Ngāti Manuhiri
  • Ngāti Whātua o Kaipara
  • Ngāti Whātua o Ōrākei
  • Te Roroa
Go to Page

Mātaatua

  • Ngāti Pūkenga
  • Ngaiterangi
  • Ngāti Ranginui
  • Ngāti Awa
  • Ngāti Manawa
  • Ngāi Tai ki Tōrere
  • Tūhoe
  • Whakatōhea
  • Te Whānau-a-Apanui
  • Ngāti Ruapani ki Waikaremoana
  • Ngāti Whare
Go to Page

Te Arawa

  • Ngāti Pikiao (Te Arawa)
  • Ngāti Rangiteaorere (Te Arawa)
  • Ngāti Rangitihi (Te Arawa)
  • Ngāti Rangiwewehi (Te Arawa)
  • Tapuika (Te Arawa)
  • Tarāwhai (Te Arawa)
  • Tūhourangi (Te Arawa)
  • Uenuku-Kōpako (Te Arawa)
  • Waitaha (Te Arawa)
  • Ngāti Whakaue (Te Arawa)
  • Ngāti Tūwharetoa
  • Ngāti Mākino (Te Arawa)
  • Ngāti Tūwharetoa ki Kawerau (Bay of Plenty)
  • Ngāti Tūrangitukua
  • Ngāti Kearoa/Ngāti Tuara
  • Ngāti Rongomai
  • Ngāti Tahu-Ngāti Whaoa (Te Arawa)
Go to Page

Te Tai Rāwhiti

  • Ngāti Porou
  • Te Aitanga-a-Māhaki
  • Rongowhakaata
  • Ngāi Tāmanuhiri
  • Ngāti Kahungunu
  • Rangitāne (Dannevirke, Hawke’s Bay, and Wairarapa)
  • Ngāti Pāhauwera
  • Mana Ahuriri
  • Maungaharuru-Tangitū
  • Heretaunga Tamatea
  • Ngāti Rākaipaaka
Go to Page

Te Tai Hau-ā-uru

  • Te Ātiawa (Taranaki)
  • Ngāti Maru (Taranaki)
  • Ngāti Mutunga (Taranaki)
  • Ngā Rauru
  • Ngā Ruahine
  • Ngāti Ruanui
  • Ngāti Tama (Taranaki)
  • Taranaki
  • Ngāti Apa (Rangitīkei)
  • Te Āti Haunui-a-Pāpārangi
  • Ngāti Haua (Taumarunui)
  • Ngāti Rangi
  • Ngāti Hauiti
  • Te Ātiawa (Wellington)
  • Muaūpoko
  • Rangitāne (Manawatū)
  • Ngāti Raukawa (Horowhenua and Manawatū)
  • Ngāti Toa Rangatira (Wellington)
  • Te Ātiawa ki Whakarongotai
  • Ngāti Tama ki Te Upoko o Te Ika (Wellington)
  • Ngāti Kauwhata
Go to Page

Te Waipounamu

  • Te Ātiawa (South Island)
  • Ngāti Kōata
  • Ngāti Kuia
  • Moriori
  • Ngāti Mutunga (Chatham Islands)
  • Rangitāne (South Island)
  • Ngāti Rārua
  • Ngāi Tahu/Kāi Tahu
  • Ngāti Tama (South Island)
  • Ngāti Toa Rangatira (South Island)
  • Ngāti Apa ki Te Rā Tō
Go to Page

Te Reo Tukutuku

There are four sector interest areas that make up Te Reo Tukutuku Investment Cluster:
Te Hapori, Te Mātauranga, Te Pāpāho and Te Hunga Noho Taone.

Te Hapori
Te Pāpāho
Te Mātauranga
Te Hunga Noho Tāone
Go to Page

Research

Te Mātātupu: Te Rangahau i te Whakarauoratanga o te Reo Māori
Te Mātātupu: Māori Language Revitalisation Research

Kei raro i te whanaketanga tuatahi o te Rautaki Maihi Māori me tōna kaupapa haumi tētahi anga rangahau reo Māori pakari,
me tōna mahere anō hoki. E arotahi ana tēnei ki te tautuhi i ngā mōhiotanga o nāianei, me te mātauranga hōu e tika ana kia hauhaketia.
E mea ana a Te Mātāwai kia noho ēnei mōhiotanga hei taumata waihanga i te Rautaki Maihi Māori, āna hua me āna putanga,
otirā hei ārahi i te aroturukitanga o te mauri ora o te reo.
Underpinning the initial and ongoing development of both the Maihi Māori Strategy and the investment programme Te Mātāuru,
is a robust Māori language research framework and plan. Focused and defining information needs on the basis of what currently exists (useful) and that which needs to be created. Te Mātāwai intends this output area to not only inform the Maihi Māori Strategy outputs and outcomes, but also to provide leadership around the overall monitoring of Māori language vitality.

Ka oti tēnei mahi i a mātou mā te:
Tautoko rangahau e takoha ana ki ngā wawata o te Rautaki Maihi Māori
Tautoko i te māramatanga puta noa i te rāngai mō te whakamahinga i te reo me ōna pūmanawa i te taumata hapori me ngā rauemi e wātea ana
Mahi tahi ki te rāngai reo Māori hei whakawhanake i tētahi kaupapa rangahau wā wawaenga me tōna rautaki.
We will achieve this by:
Supporting research that contributes to the aspirations of the Maihi Māori Strategy
Supporting a sector-wide understanding of te reo use and capability at a community level and the resources available to them
Collaborating with te reo Māori sector to develop a medium-term research programme and strategy.

Contact

Office
Email: patai@tematawai.maori.nz | Phone: +64 4 499 8907 
Address: Level 3, 2 Woodward Street, Wellington 6011 | PO Box 844, Wellington 6140

Investment Support
Email: support@tematawai.maori.nz | Phone: +64 22 528 9085

Media
Email: roihana.nuri@tematawai.maori.nz | Phone: +64 21 225 7575