Subscribe to our MailChimp

He Mahi

Kaitātari Rangahautanga

He tūranga whakahiamo tō mātou mō tētahi Kaitātari Rangahautanga kia whakauru mai ki te tīma rangahau kakama a Te Mātāwai ki te waihanga i te tūāpapa mātauranga e pā ana ki ngā kaupapa reo mā te rangahau, te tirotiro me te kohi pārongo i ngā whānau, ngā hapū me ngā iwi ME ngā umanga, ngā hapori.  

I whakatūria a Te Mātāwai i raro i Te Ture mō Te Reo Māori 2016 (The Māori Language Act 2016), hei hinonga ā-ture motuhake ki te mahi mā ngā iwi me ngāi Māori.  Ko tāna mahi ko:  

  • te noho hei kaihautū ki te whakatairanga i te hauora me te noho ora o Te Reo Māori mā ngā iwi me ngāi Māori, i te taumata anō ki te hapori;  
  • te tautoko, te whakamōhio me te kawe i ngā kaupapa a te Karauna ki te rauhī, te whakatairanga me te whakarauora i te Reo Māori;
  • te whakamana, mā ōna hononga ki ngā Minita o te Karauna, ki te hononga o te Karauna ki ngā iwi me ngāi Māori mō te āhua ki  te Reo Māori; me
  • te haere ngātahi ki te Minita me te Minita Tahua, ki te mātai, ki te ārahi anō i te ahunga o Whakaata Māori.

Ka noho te kaitātari rangahautanga ki raro tonu mai i te pou rangahau me te whai wāhi atu o āna mahi ki ngā haumitanga ā-rohe, ki te kāhui kaupapa here me ngā mahi rangahau whānui. He tūranga tēnei ka whai wāhui nui atu ki te tō mai i te kaupapa hiranga me ōna kitenga mai i ngā momo kaupapa whakarauora i te reo whānui e tautokohia ana, e huawaeretia ana e Te Mātāwai. He kawenga matua anō ō te Kaitātari Rangahautanga i ngā hātepe tono mahi e whakamahia ana ki te kirimana me te whakahaere i te hunga rangahau, te hunga arotake rangahautanga ka noho hei hoa haere mō Te Mātāwai. Waihoki, ka āta mahi ngātahi te tūranga ki te tīma whakapāpā o Te Mātāwai i te hātepe o te tāpae, te rukuruku me te tuari i ā mātou kōrero mō te rangahautanga me te aromātaitanga.  

E kimi ana mātou i tētahi kairangahau kohara:

  • E kaingākau ana ki te kōkiri mō te whakarauoratanga o te reo Māori;
  • Kua āta whai wāhi atu ki ngā kaupapa mō te reo Māori;
  • He wheako rangahau ōna (ko te painga atu mēnā e pā ana ki te reo Māori);
  • E āhei ana ki te mahi ki te raraunga ine i te nui, ine i te kounga anō;
  • E matatau ana ki te reo Māori me te reo Ingarihi;
  • He wheako ōna ki te mahi tahi ki te whānau, te hapū, te iwi, te whakahaere Māori me ngā hapori;  
  • E pakari ana ngā pūmanawa whakapāpā – ka taea te whakaaro rautaki, te whakarite mahere me te ruruku rauemi e tutuki ai ngā putanga kua whakaaetia me te ine, te pūrongo kokenga ki ngā putanga kua whakaaetia;  
  • E mārama ana ki te tikanga me ngā mātāpono o te Tiriti o Waitangi.
  • E hiranga ana ngā pūmanawa whakariterite me te whakatutuki mahi i te wā kua whakaritea;
  • E kaha ana ngā pūmanawa tāpae kōrero, pūmanawa whakapāpā (te tuhi pūrongo me te tāpae kōrero ā-waha)
  • E āhei ana ki te whakapūmau, ki te waihanga hononga rānei ki te hunga rangahau, ki ngā hapori rangahau, ngā mea e rua rānei; e āhei ana ano ki te mahi motuhake me te mahi tahi ki ētahi atu i runga i te ngākau pai.

Ki te hono mai ki te whānau o Te Mātāwai me mārama koe ki te tikanga Māori, me kōrero Māori koe, ina koa ki te taumata whakawhitiwhiti kōrero, mō te tūranga nei.  

Toroa te https://www.tematawai.maori.nz/communications/job-vacancies mō ētahi atu kōrero.  

Me he pātai āu, īmēra mai koa ki a mahi@tematawai.maori.nz

Ki te tono mō te tūranga, īmērahia mai te tono kua oti te whakakī mai, tētahi reta uhi me tō Tāhuhu Tangata ki a mahi@tematawai.maori.nz [link removed]. Ka kati ngā tono ā te Rātapu, te 6 o Hakihea 2020. Katoa ngā tono me ngā pātai ka noho matatapu

Pūkenga
Momo Mahi
Ngā Pūrongo
Rā Tuku
November 20, 2020
Rā Kati
December 6, 2020
PukatonoWhakamārama mō te Tūranga

Hēkeretari Mana Arataki

E kimi ana a Te Mātāwai i tētahi Hēkeretari Mana Arataki hei tautoko i tō mātou Poari me ngā komiti whāiti. Ka noho anō te kaitono angitu hei Kaiāwhina Matua ki te tautoko i te Tumu Whakarae.

I whakatūria a Te Mātāwai i raro i Te Ture mō Te Reo Māori 2016, hei hinonga ā-ture motuhake ki te mahi mā ngā iwi me ngāi Māori.  Ko tāna mahi ko:  

  • te noho hei kaihautū ki te whakatairanga i te hauora me te noho ora o Te Reo Māori mā ngā iwi me ngāi Māori, i te taumata anō ki te hapori;  
  • te tautoko, te whakamōhio me te kawe i ngā kaupapa a te Karauna ki te rauhī, te whakatairanga me te whakarauora i te Reo Māori;
  • te whakamana, mā ōna hononga ki ngā Minita o te Karauna, ki te hononga o te Karauna ki ngā iwi me ngāi Māori mō te āhua ki  te Reo Māori; me
  • te haere ngātahi ki te Minita me te Minita Tahua, ki te mātai, ki te ārahi anō i te ahunga o Whakaata Māori.

Ka noho mai te kaitono angitu ki raro tonu mai i te Pou Rangatōpū, ka mahi tahi ki te Tumu Whakarae, te Poari me te kāhui pou. He kawenga nui tā te Hēkeretari Mana Arataki i ngā hātepe mana arataki a Te Mātāwai ki te ruruku me te whakariterite i ngā rārangi take me ngā pepa komiti, me te tiaki, te whakaū anō i te tika me te pono o ngā āmiki o ngā hui a te Poari. He ara whakamīharo tēnei mō ngā kaitono pūkenga nunui ki te torotoro ki ngā toa whakarauora i te reo o te motu, tae atu ki ngā pou whakahaere matua me ngā whakahaere he kawenga nui ō rātou ki te tautoko i te reo Māori i te rāngai tūmatanui. Nō reira, ka whai wāhi atu anō te Hēkeretari Mana Arataki ki te tautoko i te hunga mana arataki taumata tiketike me te whakatau take rautaki.  

He huarahi papai tēnei mō te hunga ka kawea mai e rātou he:

  • Wheako mahi ki te tautoko i te taumata ki te kaiwhakahaere matua, ina koa te whakaaro whakamua ina whakariterite rātaka  
  • Mōhioranga ki ngā taumata me ngā momo hononga ngaio ka noho mai ki te taiao tōrangapū, te taiao pakihi tērā he pānga kaupapa here ā-motu ōna  
  • Wheako pakari e angitu ai te whakariterite huihuinga;  
  • Wheako ki te whakariterite hui nui me te whakarite wāhi hui;
  • Mātauranga pakari me te wheako anō ki te whāwhā i te kohinga pūmanawa o Microsoft Office 365, ina koa te Microsoft Excel me te Word;
  • Pūmanawa ki te tautuhi tūraru tērā ka ara ake;
  • Pūkenga hiranga ki te tui muka tangata me te whakapāpā haere, tae atu ki āhei ki te whakawhiti kōrero ki te reo Māori;
  • Māramatanga ki te tikanga me ngā mātāpono o te Tiriti o Waitangi.  

Ki te hono mai ki te whānau o Te Mātāwai me mārama koe ki te tikanga Māori me kōrero Māori anō mō tēnei tūranga.  

Toroa te https://www.tematawai.maori.nz/communications/job-vacancies mō ētahi atu kōrero.  

Me he pātai āu, īmēra mai koa ki a mahi@tematawai.maori.nz

Ki te tono mō te tūranga, īmērahia mai te tono kua oti te whakakī mai, tētahi reta uhi me tō Tāhuhu Tangata ki a mahi@tematawai.maori.nz . Ka kati ngā tono ā te Rātapu, te 6 o Hakihea 2020. Katoa ngā tono me ngā pātai ka noho matatapu.

Ka whakaaetia noatia mai te tono a te tangata e mana ana tāna mahi ki Aotearoa.

Pūkenga
Momo Mahi
Ngā Pūrongo
Rā Tuku
November 24, 2020
Rā Kati
December 6, 2020
PukatonoWhakamārama mō te Tūranga

Pou Whakapāpā

Kei te hiahia whai kawenga pai koe i te takiwā ki te reo Māori? He hinonga takahi whakamua a Te Mātāwai e para huarahi auaha ana mō tētahi e kohara ana ki ngā mahi whakapāpā, kia whakauru mai ki tō mātou tīma.  

Ka whai huarahi hoki ki te mahi hāngai tonu ki te Tumu Whakarae, me te tīma whai pūmanawa kakama o Te Mātāwai, tae atu ki te iwi me ngāi Māori. He mahi tēnei mā te ringa raupā, he tūranga whakahaere, e kawea hāngai tonu e koe te āhua o te tuarihia o ngā mahi a Te Mātāwai ki te hunga whānui e whai wāhi mai ana ki ngā mahi.  

Ka whakahaeretia e koe tētahi mema tautoko i ngā mahi whakapāpā, kei a koe hoki ngā kawenga mō ngā hononga pāpāho katoa, te pāhopori, ngā hononga tūmatanui me ngā mahi whakatairanga, tae atu ki te tuhi i ngā pānui pāpāho, ngā pānui, me te whakautu i ngā pātai a te ao pāpāho. Ka mahi tahi koe, ka tautoko hoki i ngā mahi a ngā tīma mō te kaupapa here, te haumitanga, te rangahau me te tari, i te mahi tahi a Te Mātāwai ki ngā iwi me te Karauna ki te whakarauora i te reo Māori.

Heria mai rā ō pūkenga, ō wheako, tō ngākau kohara, to kaha, tō ngākau auaha me tō māia ki te rautaki, me tō taha ringa raupā ki ngā mahi whakapāpā. He mahi tūturu tēnei ka mahia mai ki Te Whanga-nui-a-Tara- nō reira kawea ake te mānuka kua takoto, kia rongo ai koe i te reka o ngā hua.  

E hono mai ai ki te whānau o Te Mātāwai me mārama koe ki te tikanga Māori, me kōrero Māori, me āhei rānei ki te whakaatu i te ū o tō ngākau ki te ako.

Mō ētahi atu kōrero, whakapā mai koa ki a Charmaine Ngarimu, Pou Whakapāpā (takawaenga) charmaine@tematawai.maori.nz.

Ki te tono mō te tūranga, īmērahia mai tētahi tono kua oti te whakakī mai, tētahi reta uhi, me tō CV ki a mahi@tematawai.maori.nz. Ka kati ngā tono hei te 5 i te ahiahi o te 27 o Mahuru. Ka noho matatapu ngā tono me ngā pātai katoa.  

Ka whakaaetia ko ngā tono a te hunga e whai mana ana ki te mahi ki Aotearoa anahe.

Pūkenga
Momo Mahi

Whakahaere

Rā Tuku
September 14, 2020
Rā Kati
September 27, 2020
PukatonoWhakamārama mō te Tūranga

Whakauru mai ki te tīma o Te Mātāwai

Ko te whakakitenga a Te Mātāwai mā te iwi, mā ngāi Māori me ngā hapori reo Māori, ko te whakarauora i te reo Māori hei reo ūkaipō i ngā kāinga me ngā hapori.

 

Ka noho mataara tonu ana Te Mātāwai ki te kimi kaimahi whai pūmanawa, kaimahi auaha, kei a rātou ngā pūkenga mō te rangahau,te haumitanga, te kaupapa here me te whakapāpātanga. Mēnā e ako ana koe i te reo, ko te reo Māori rānei tō reo ūkaipō, kei waenganui rānei koe e haere ana,mēnā e kohara ana tō ngākau ki te whakarauora i te reo Māori, whakapā mai.

 

Mehemea ko koe tēnei, īmērahia mai tētahi reta uhi me tō Tāhuhu Tangata ki a mahi@tematawai.maori.nz. Tukua mai hoki ngā pātai ki taua wāhi anō. Ka noho matatapu ngā tono me ngā pātai katoa.

 

Ka whakaaetia ko ngā tono anake a te hunga e mana ana te mahi ki Aotearoa.

Pūkenga

Te rangahau, te haumitanga, te kaupapa here me te whakapāpātanga

Momo Mahi

Kaimahi

Rā Tuku
September 2, 2020
Rā Kati
PukatonoWhakamārama mō te Tūranga

Kopounga Hinonga Karauna

Ko tētahi o ngā mahi matua a Te Mātāwai ko Te Matatū (kaihautū).  I te horopaki o Te Whare o Te Reo Mauri Ora –te hononga o ngāi Māori me te Karauna ki te whakarauora i te reo Maori, kei Te Mātāwai te kawenga ki te ārahi i te whakarauoratanga o te reo Māori mā ngā whānau, ngā hapū, ngā iwi me ngā hapori Māori.

He kawenga anō tā Te Mātāwai ki te tāpae tautapanga ki te Minita Whanaketanga Māori hei kopou atu ki ngā poari o ētahi Hinonga Karauna erua, arā, ki Te Taura Whiri i te Reo Māori me Te Māngai Pāho.  Ka kopoua hāngaitia hoki e mātou tētahi tokowhā ki te poari o Whakaata Māori mā roto i te poari o Te Mātāwai.

E kimi Whakaaturanga Hiahia ana mātou i te hunga whai wheako tika e hiahia ana kia whakaarohia rātou mō tētahi tūranga mana ārahi i tētahi o ngā poari hinonga reo nei, ki te tutuki i a rātou ngā paearu* e hāngai ana mō ngā tūranga.

Kāore e tohua he rā kati mō ngā Whakaaturanga Hiahia, katiakina e Te Mātāwai ngā kōrero whāiti ki tētahi putunga matatapu ka toroa i roto i te tau ina wātea mai he tūranga i tētahi o ngā poari. Ka whakamahia te putunga hei tūtohu kopounga.

Ki te whakauru mai i ō kōrero whāiti ki te putunga a Te Mātāwai e whakaarohia ai koe mō ngā hinonga reo kua huaina ake nei, whakaotiamai koa te puka Whakaaturanga Hiahia ka tuku mai ai i te taha o tō Tāhuhu Tangata me tētahi reta uhi poto ki a: tautapa@tematawai.maori.nz

*Tērā e rerekē ai ngā paearu, kei te āhua tonu o ngā pūkengao te wā kei te poari.  

Pūkenga

Te reo Māori

Tikanga Māori

Ngā ratonga ki, mā ngāi Māori

Wheako e hāngai ana ki te rāngai (tae atu ki te ao pāpāho)

Te mātau me te mārama ki ngā tauārai matua me ngā take kei mua i te whakarauora i te reo Māori

Mana Ārahi

Whanaketanga pakihi

Tuinga Muka Tangata

Momo Mahi

Kopounga Hinonga Karauna

Rā Tuku
February 18, 2020
Rā Kati
December 31, 2020
PukatonoWhakamārama mō te Tūranga

Kaihuawaere Haumitanga

E kimi ana a Te Mātāwai i ētahi Kaihuawaere Haumitanga tokorua kia hono mai ki te rōpū o Te Mātāuru (Haumitanga) tētahi wāhanga o tā mātou tīma ki Te Whanga-nui-a-Tara e tupu tonu nei. Ko Te Mātāuru tētahi o ētahi pīkaunga matua e toru e hautū ana a Te Mātāwai hei uruparenga ki te hiahia kia whakarauoratia te reo Māori. Ki te rite tō whakakitenga ki tō mātou, arā, kia whakahaumanutia te reo Māori hei reo ūkaipō, māu pea te kaupapa nei.

Pūkenga

E kimi ana mātou i ētahi tāngata e rite ana tāna i whakapono ai ki tō mātou, arā, ko ngā hapori me ōna tāngata kei te iho o te katoa o tā tātou i mahi ai. E whakapono ana mātou e mōhio ana ā tātou tāngata he aha ngā mahi ka āwhina i te whakarauoratanga o te reo Māori i ō rātou ake whānau, hapū, iwi me te hapori nui tonu.

Momo Mahi

Me he mema koe o te tīma o Te Mātāwai team, ka tautoko koe i te Pou Haumitanga me ngā toihau tokowaru o ngā Pae Motuhake e whakakanohi ana i ō rātou Kāhui i te motu whānui. Ka mārama koe ki te hira o te haumi i te whakarauoratanga o te reo, ka tino pai hoki ō pūkenga whakahaere me tō whakawhanaunga ki ētahi atu. Ka puāwai koe i te taiao tīma tokoiti, i te tautoko me te huawaere i ngā whakatau a ō mātou Pae Motuhake (pae kāhui ā-iwi) i a rātou ka aromatawai tono haumitanga e tautoko ana i te whakakitenga me ngā mahere haumitanga a Te Mātāwai.

Ngā Pūrongo

E hono mai ai ki te whānau o Te Mātāwai me mārama koe ki tetikanga Māori, me kōrero Māori, me āhei rānei ki te whakaatu i te ū o tō ngākauki te ako.

Haere ki https://www.tematawai.maori.nz/communications/job-vacancies mō ētahi atu kōrero.  

Mehemea ko koe tēnei, īmērahia mai te puka tono kua oti maii a koe, tētahi reta uhi me tō Tāhuhu Tangata ki a mahi@tematawai.maori.nz. Tukuamai hoki ngā pātai ki taua wāhi anō. Ka noho matatapu ngā tono me ngā pātaikatoa.

Ka whakaaetia ko ngā tono anake a te hunga e mana ana temahi ki Aotearoa.

Rā Tuku
February 10, 2020
Rā Kati
February 28, 2020
PukatonoWhakamārama mō te Tūranga

Subscribe to our mailing list

* indicates required
#pointer { width: 200px; height: 40px; position: relative; background: #ab1d70; } #pointer:after { content: ""; position: absolute; left: 0; bottom: 0; width: 0; height: 0; border-left: 20px solid white; border-top: 20px solid transparent; border-bottom: 20px solid transparent; } #pointer:before { content: ""; position: absolute; right: -20px; bottom: 0; width: 0; height: 0; border-left: 20px solid #ab1d70; border-top: 20px solid transparent; border-bottom: 20px solid transparent; }